Озарбайжон президенти Илҳом Алиев Бокудаги халқаро анжуманда сўзлаган нутқида «Арманистоннинг ҳудудий даъволари ва арман жамиятининг озарбайжон халқига душманона муносабати тинчликка эришишга тўсқинлик қилмоқда», деди.
Алиев 20-асрда Ғарбий Озарбайжон (ҳозирги Арманистон) озарбайжонлари этник тозалашга учраганини эслатди. 1918-1991 йилларда юз минглаб озарбайжонликлар ўз тарихий ерларидан мажбуран кўчирилди, натижада Арманистон моноэтник давлатга айланди.
Президент Арманистон Ғарбий Озарбайжонда озарбайжонлар томонидан яратилган маданий мерос, жумладан, ЮНEСКО томонидан тан олинган масжидлар, тарихий манзилгоҳлар ва ёдгорликларни вайрон қилганини таъкидлади.
Алиев Озарбайжонда кўплаб озарбайжонликларнинг Қорабоғ ва Шарқий Зангезурга қайтишига имкон берган «Буюк Қайтиш» дастури муваффақиятли амалга оширилганини таъкидлади. Шу билан бирга, у Арманистон Ғарбий Озарбайжон жамияти фаолиятини ўзининг ҳудудий яхлитлигига таҳдид сифатида кўрсатишда давом этаётганига эътибор қаратди, гарчи мақсади қувилган озарбайжонларнинг ҳуқуқларини тиклаш бўлсада.
Президент Арманистонни Ғарбий Озарбайжон ҳамжамияти билан мулоқотни бошлашга, ЮНEСКО миссиясига маданий мероснинг йўқ қилинишини баҳолашга рухсат беришга ва сургун қилинган озарбайжонларнинг ўз она юртларига тинчлик ва хавфсизликда қайтишини таъминлаш чораларини кўришга чақирди.
