Александр Сирский хайрлашув мурожаатини эълон қилди

Мен ўзимдан кейинги одамга нафақат мудофааланаётган, балки ҳужум қилаётган армияни топширмоқдаман....

​Украина Қуролли Кучлари бош қўмондони лавозимидан озод этилган Александр Сирский хайрлашув мурожаатини эълон қилди.

​"Катта уруш пайтида қўшинга бошчилик қилиш ҳар бир офицер учун энг олий масъулиятдир. Мен бу урушни 2014 йилнинг илк кунидан бери кўрдим, фронт билан яшадим ва озод қилинган ҳар бир километр Украина заминининг қадрини биламан", — деб ёзди Сирский.

​У 2024 йилнинг февралида бош қўмондон лавозимини эгаллаганидан бери ўтказилган асосий ҳарбий амалиётларни, хусусан, Россиянинг Курск вилоятига уюштирилган ҳужумни қисқача санаб ўтди.

​"Биз армияни нафақат жанг майдонида, балки унинг негизида ҳам ўзгартирдик", — деди Сирский ва дронлар билан ишлаш ҳамда қўшинлардаги таркибий ислоҳотларни алоҳида таъкидлади.

​"Мен ўзимдан кейинги одамга нафақат мудофааланаётган, балки ҳужум ҳолатида бўлган — ташаббусга, тузилмага ва душманни қандай тор-мор этишни биладиган инсонларга эга армияни топширмоқдаман. Бу ҳужум давом этишига чин қалбимдан умид қиламан. Бунинг учун барча имкониятлар мавжуд", — дейилади мурожаатда.