Air India самолёти қаттиқ қўниши оқибати Пукет аэропорти фалаж ҳолатга келиб қолди

Пукет аэропорти Air India самолёти қаттиқ қўниш натижасида учиш-қўниш йўлагини тўсиб қўйганидан сўнг фалаж бўлиб қолди.

Бу ҳақда хорижий оммавий ахборот воситалари хабар беришди.

Дастлабки маълумотларга кўра, Ҳиндистоннинг Ҳайдаробод шаҳридан келган самолёт қўниш пайтида қўниш мосламасига шикаст етказган. Самолёт учиш-қўниш йўлагида тўхтаб, уни тўсиб қўйган ва аеропортнинг рейсларни қабул қилиши ёки жўнатишига тўсқинлик қилган.

Шикастланган самолёт бортида 133 киши бўлган; ҳеч ким жабрланмаган. Ҳодиса самолётларнинг тирбандлигини келтириб чиқарган.