Жорий йилнинг 15 апрел куни Қишлоқ хўжалиги вазирлиги ташаббуси билан Инновацион ривожланиш агентлиги томонидан вазирлик тизимидаги олий таълим муассасаларини нуфузли халқаро ташкилотлар рейтинги рўйхатига киритиш мақсадида профессор-ўқитувчилар, илмий ходимлар ҳамда ёш олимларга “Scopus” ва "Web of Science" маълумотлар базасида индексланадиган журналларда мақолалар чоп этиш масалаларига бағишланган семинар-тренинг ташкил этилди.
Унда Илм-фан, инновациялар ва таълимни ривожлантириш бошқармаси масъуллари, вазирлик тизимидаги 10 та олий таълим муассасаларидан Илмий ишлар ва инновациялар бўйича проректорлар, 120 нафар профессор-ўқитувчилар, 80 нафар илмий ходимлар ҳамда ёш олимлар иштирок этди.
Мазкур семинар-тренингда “Сcопус” ва "Веб оф Сcиенcе" маълумотлар базаси, индексланадиган журналлада мақола чоп этиш каби масалалар атрофлича муҳокама қилинди.
Шунингдек, семинарда профессор-ўқитувчилар, илмий ходимлар ҳамда ёш олимларга келгусида илмий ишлар натижаларини халқаро даражадаги журналларда чоп этиш бўйича зарур тавсия ҳамда кўрсатмалар берилди.