Агар АҚШ ростдан тинчлик истаганида ҳарбий ҳаракатлар аллақачон тўхтатилган бўлар эди – Лавров

Россия ташқи ишлар вазирининг RT Arabic нашрига интервьюсидан асосий баёнотлар.

▪️Агар АҚШ чиндан ҳам ўз ташаббусини илгари сурганида, биз аллақачон музокаралар столида ўтирган бўлар эдик ва ҳарбий ҳаракатлар тўхтатилган бўлар эди.

▪️Марко Рубионинг Украинани қўллаб-қувватлаш ҳақидаги баёнотларини ҳисобга олсак, АҚШ ва Европанинг ёндашувларида деярли ҳеч қандай фарқ йўқ.

▪️Украинага хавфсизлик кафолатларини ваъда қилиш орқали европаликлар, БМТ низомларига зид равишда, мамлакатда нацист режимини абадий сақлаб қолишни хоҳлашади.

▪️Россия Форс кўрфазида янги коллектив хавфсизлик концепциясини ишлаб чиқди. У тажовуз қилмаслик, ҳарбий ҳаракатларни чеклаш ва ҳарбий фаолиятда шаффофликни назарда тутади. Таклифни араб давлатлари ва Эронга юбордик, ҳозир уларнинг жавобини кутмоқдамиз.