Адҳамжон Эргашев — Ислом бирдамлик ўйинларида тўлиқ медаллар тўпламини қўлга киритди!

Истеъдодли оғир атлетикачимиз Адҳамжон Эргашев VI Ислом Бирдамлик ўйинларида бирданига 3 та медални қўлга киритишга муваффақ бўлди.

У даст кўтаришда 134 кг натижа билан бронза, силтаб кўтаришда 170 кг натижа билан олтин медални қўлга киритди. Икки кураш якунига кўра эса жами 304 кг оғирликни забт этиб, кумуш медаль соҳибига айланди.

Натижада спортчимиз VI Ислом бирдамлик ўйинларида олтин, кумуш ва бронза медалларини қўлга киритишга эришди!