Бугун 17 ноябрь, 2026 йил, сешанба

O'ZB

Абдуқодир Ҳусанов тўқнашувдан сўнг ўзгартирилган ўйинда «Манчестер Сити» «Ливерпуль» майдонида камбэк қилди

Абдуқодир Ҳусанов тўқнашувдан сўнг ўзгартирилган ўйинда «Манчестер Сити» «Ливерпуль» майдонида камбэк қилди

Англия Премьер-лигасининг 2025/2026 йилги мавсуми 25-туридан ўрин олган «Ливерпуль» ва «Манчестер Сити» жамоалари ўртасидаги учрашув якунланди. Ҳакамнинг финал ҳуштаги янграганда, таблода «шаҳарликлар»нинг 2:1 ҳисобидаги ғалабаси қайд этилди.

Ўйиннинг 74-дақиқасида Доминик Собослаи ҳисобни очиб, мерсисайдликларни олдинга олиб чиқди. Бироқ 84-дақиқада Бернарду Силва жавоб тўпини киритиб, мувозанатни тиклади. Учрашувга қўшиб берилган 90+3-дақиқада эса Эрлинг Холанд пенальтини аниқ амалга ошириб, меҳмонларга муҳим ғалабани тақдим этди.

Ҳамюртимиз Абдуқодир Ҳусанов асосий таркибда майдонга тушиб, 61-дақиқада тўқнашувдан сўнг Рубен Диашга алмаштирилди.

Ушбу ўйиндан сўнг мерсисайдликлар 39 очко билан 6-ўринни эгаллаб турибди. «Манчестер Сити» эса 50 очко жамғарган ҳолда турнир жадвалининг 2-поғонасида жойлашган.

Кейинги турда «Ливерпуль» сафарда «Сандерленд» билан баҳс олиб боради (11 февраль), «Манчестер Сити» эса ўз уйида «Фулхэм»ни қабул қилади (11 февраль).

Ливерпуль - Манчестер Сити - 1:2

Голлар: Собослаи, 74 (1:0). Бернарду Силва, 84 (1:1). Холанд, 90 - пенальтидан (1:2)

Ливерпуль: Алиссон, ван Дейк, Конате, Керкез (Кьеза, 90), Собослаи, Макаллистер, Гравенберх, Вирц, Гакпо (Джонс, 85), Салоҳ, Экитике

Манчестер Сити: Доннарумма, Гехи, Абдуқодир Ҳусанов (Рубен Диаш, 61), Аит Нури, Матеус Нунес, Родри, О`Райли, Бернарду Силва, Мармуш (Шерки, 61), Семеньо (Аке, 90), Холанд

Огоҳлантиришлар: ван Дейк, 47. Алиссон, 90 - Мармуш, 42. Гехи, 69. Бернарду Силва, 90. Холанд, 90

Четлатиш: Собослаи, 90

Киритилди: 23:49 08.02.2026. Ўқилди: 13187 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар