Италия пойтахти Римда 23 ёшли албаниялик йигитдан 200 килограмм кокаин мусодара қилинди. Юкнинг бозор қиймати тахминан 16 миллион еврони ташкил қилади.
Бу ҳақда Ansa нашри хабар берди.
Маълумотларга кўра, кокаин 8000 дозага етадиган 191 та пакетга қадоқланган. Ҳуқуқ-тартибот идоралари ходимлари эркакнинг квартирасини "наркотик моддаларни сақлаш учун ҳақиқий логистика маркази" деб таърифлаган.
Йигитни пойтахт полицияси ҳибсга олди. Ундан тўппонча, ўқ-дорилар ва тахминан 30 минг евро нақд пул ҳам олиб қўйилган.
