2025 йилнинг биринчи ярмида “Тез ёрдам” қандай мақсадларда чақирилди?

Ўтган йилнинг айни шу даврига нисбатан бу йил мурожаатлар сони 8,4 фоизга ошди.

Ўтган 2025 йилнинг дастлабки 6 ойи давомида мамлакатимиз бўйлаб “103” хизматига жами 6 миллион 912 минг 243 та чақириқ келиб тушди. Ўтган йилнинг айни шу даврига нисбатан бу йил мурожаатлар сони 8,4 фоизга ошди, дея хабар беради ССВ ахборот хизмати.

Чақирувлар:

• 4 миллион 992 минг 108 таси шошилинч кўрсатма билан,
• сурункали касалликлар – 1 минг 802 минг 348 та,
• беморларни ташиш – 66 минг 917 та,
• туғруқлар – 50 минг 870 тани ташкил қилди.

Энг кўп мурожаатлар:

• Тошкент шаҳри — 718 минг 819 та;
• Фарғона вилояти — 681 минг 580 та;
• Сурхондарё вилояти — 661 минг 767 та;
• Наманган вилояти — 647 минг 493 та;
• Андижон вилояти — 642 минг 366 та қайд этилган.

Энг кам чақириқ

• Навоий вилояти (199 минг 930 та),
• Сирдарё вилояти (221 минг 407 та) ва
• Жиззах вилояти (267 минг 669 та) кузатилди.

Эслатиб ўтамиз, ҳозирги кунда “Тез ёрдам” хизматида жами 2 857 та тиббий бригада фаолият юритмоқда.