Жаҳон банки ҳисоботига кўра, ўтган йили Ўзбекистонда иқтисодий тенгсизлик сезиларли даражада ошган
Халқаро стандартларга кўра, сўнгги саккиз йил ичида камбағаллик даражаси (кунига $6,85дан кам) икки баробарга, яъни 2015-йилдаги 36%дан 2022-йилда 17%га қисқарди.
Мамлакатда камбағаллик Европа ва Марказий Осиёнинг бошқа мамлакатларига қараганда тез суръатларда камайиб бормоқда — 13%дан 8%гача
2021-йилда тасдиқланган миллий стандартларга кўра, камбағаллик даражаси 17%дан 11%га камайди
Қишлоқ жойларда пасайиш 8 фоиз пунктга, шаҳарларда эса 4 фоиз пунктга етди. Хусусан, 1,6 млнга яқин аҳоли камбағалликдан чиқарилди.
Бундан ташқари, Жаҳон банки ҳукуматнинг 2026-йилга қадар камбағалликни икки баравар камайтириш мақсадига эришиш мумкинлигини қайд этди. Камбағалликни қисқартиришнинг асосий омиллари даромадлар ўсиши (60% прогресс) ва оптималлаштирилган ва кенгайтирилган ижтимоий трансфертлар бўлди.
Камбағалликни камайтиришнинг асосий омили даромадларнинг ўсиши (60%) ва ижтимоий трансфертлар бўлиб, улар оптималлаштирилди ва кенгайтирилди
Бироқ, халқаро молия ташкилоти тенгсизлик даражасининг ортиб бораётганини қайд этади, бу эса камбағалликни қисқартириш суръатини секинлаштиради. Даромадларнинг ўсиши асосан аҳолининг энг бой қатламлари орасида шаклланган.
2023-йилда Жини коэффициенти (Gini Coefficient) 0,31дан 0,35гача кўтарилди. Натижада камбағаллик даражаси 5,5 фоиз пунктга эмас, балки 3,1 фоиз пунктга камайди.
Масалан, 10% энг камбағал аҳоли даромадлари атиги 6%га ўсган бўлса, 10% энг бой аҳолиники 30%дан кўпроққа ўсди. Хусусан, бадавлат фуқаролар бойлигининг юқори ўсиш суръатлари иқтисодий тенгсизлик муаммосини янада кучайтиради.
Жаҳон банки ҳукуматга аҳолининг кам таъминланган қатламлари меҳнат унумдорлигини оширишни тавсия қилади. Хусусан, кам таъминланган фуқароларнинг иш имкониятлари камроқ, таълим даражаси паст ва қарамоғидагилар кўпроқ.
Бу жиҳатлардаги тафовутни тугатиш Ўзбекистонда камбағалликни камайтириш ва ўсиб бораётган тенгсизликни чеклашга ёрдам беради.