Ўзбекистонда 2018 йилда 75 нафар чақалоқни сотишга уриниш ҳолати аниқланган. Жорий йилнинг 10 ойида эса бу кўрсаткич 57 нафарни ташкил этган. Бу ҳақда ИИВ Ҳуқуқбузарликлар профилактикаси бош бошқармаси бошлиғи Бахтиёр Бердиалиев маълум қилди, деб ёзмоқда «Sof.uz».
Маълум қилинишича, чақалоқ сотиш ҳолатларига ёш қизларнинг билиб-билмай қўйган нотўғри қадамлари сабаб бўлмоқда. Сўнг ундан қутулиш мақсадида чақалоқларни туғруқхоналарнинг ўзида, эшик остида ёки бегона жойда қолдириб кетиш, охирги чора сифатида сотиш ва Ўзбекистондан чиқиб кетиш ҳолатлари жуда ҳам кўп учрамоқда.
Ҳуқуқбузарликлар профилактикаси бош бошқармаси бошлиғи ўринбосари У.Абдуллаеванинг фикрига кўра, аксарият ҳолларда ҳаётда алданиб қолган, турмушидан ажрашиб, икки ва ундан ортиқ фарзанди билан оғир ижтимоий аҳволга тушиб қолган аёллар орасида ўз боласини сотиш ҳолатлари кўп учрайди.
Абдуллаева Хотин-қизлар қўмитаси билан ҳамкорликда ишлаш натижасида чақалоқ сотиш ҳолатлари 2018 йилга келиб 33 фоизга камайганини таъкидлади.
Россия яна бир ҳарбий можарода иштирок этиши мумкин
Тожикистонда баҳорги муддатли ҳарбий хизматга чақирув режаси 70 фоизга бажарилди
Америкалик таниқли боксчи Баҳодир Жалолов ҳақида фикр бирдирди
