14–16 май кунлари Ўзбекистонда ҳаво кескин исиб кетиши кутилмоқда

Жорий йилнинг 14-16 май кунлари Ўзбекистон ҳудуди бўйича иссиқ об-ҳаво бўлиши кутилмоқда.

14 майда Қорақалпоғистон Республикаси, Хоразм, Бухоро, Навоий, Қашқадарё, Сурхондарё вилоятларида, 15-16 майда Ўзбекистон ҳудудининг катта қисмида ҳаво ҳарорати кундуз кунлари 39-41 даражагача, жанубда ва чўл ҳудудларда 42-43 даражагача кўтарилади. (https://hydromet.uz/uz/node/6190)

14-15 майда шимолда ва чўл ҳудудларда, 16-17 майда республика бўйича баъзи жойларда шамол тезлиги 15-18 м/с гача кучайиши, чанг-тўзонлар билан кузатилиши кутилмоқда.

17 майда айрим жойларда баъзида шамол 20-22 м/с гача кучайиши мумкин.