Тошкент туманлараро маъмурий суди «Чорвоқ» эркин туристик зонасида меҳмонхона қураётган тадбиркорга ер солиғи имтиёзини қўллашни рад этиш ҳаракатини қонунга хилоф деб топди. Бизнес-омбудсман бу ҳақда маълум қилди.
Корхона 2021 йилда зона иштирокчиси сифатида рўйхатдан ўтган. Лойиҳага 168 млрд сўмдан ортиқ, тахминан 13 млн доллар киритилган – бу инвестиция битимидаги 10 млн долларлик мажбуриятдан кўп.
Имтиёз меҳмонхона қурилиши тугалланмагани сабабли рад этилган. Бироқ объектни қуриб битказиш муддати 2028 йил 30 январь этиб белгиланган. Бизнес-омбудсман судда қурилишнинг давом этаётгани имтиёзни автоматик рад этиш учун мустақил асос эмаслигини таъкидлаган.
2026 йил 6 октябрдаги суд қарори билан Солиқ қўмитасига тадбиркорнинг мурожаатини қайта кўриб чиқиш мажбурияти юклатилган.
Нега айнан Эркинжон Турдимов? Бу қарор ортида қандай омиллар турибди?
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
