Ўзбекистонда 2026 йил 1 январдан ўзини ўзи банд қилган такси ҳайдовчилари айланмадан олинадиган солиқни пасайтирилган ставкада – 1 фоиз миқдорида тўлайди. Бу ҳақда Давлат солиқ хизмати хабар берди.
Аниқроқ айтганда, ўзини ўзи банд қилган такси ҳайдовчиси бир ойда 2 млн сўм даромад топса, у тўлаши лозим бўлган солиқ миқдори атиги 20 минг сўмни ташкил этади. Агар йўловчиларни ташиш фаолияти онлайн-агрегаторлар орқали амалга оширилса, солиқни ушлаб қолиш такси агрегаторлари томонидан ҳайдовчиларга даромадларни ўтказиш чоғида автоматик тарзда амалга оширилади.
Бунда агрегатор солиқни фақат ўз платформаси орқали олинган даромадлардан ушлаб қолади. Агрегатордан ташқарида шаклланган даромадлар ушбу механизм асосида солиққа тортилмайди.
Ўзини ўзи банд қилган шахслар ҳам QR коддан фойдаланиши шартми?
2026 йил 1 январдан бошлаб якка тартибдаги тадбиркорлар ва ўзини ўзи банд қилган шахслар учун рақамли платформаларда шакллантирилган электрон тўловларни қабул қилиш мақсадида махсус QR кодга эга бўлиш мажбурий талаб сифатида жорий этилади.
Ушбу талаб солиқ органларининг ахборот тизимлари билан интеграция қилинган электрон платформаларга эга агрегаторлар орқали йўловчиларни ташиш ва буюртма асосида товарларни етказиб бериш хизматларини кўрсатувчи ўзини ўзи банд қилган шахсларга татбиқ этилмайди. Яъни солиқ тизимларига уланган расмий агрегаторлар орқали фаолият юритувчи такси ҳайдовчилари ва курерларга алоҳида QR код ўрнатиш шарт эмас.
Дунёнинг “энг обрўсиз мамлакати” номи айтилди
Молдова Россияни хабардор қилди
Тиббиёт ходимларининг иш ҳақи оширилди
