Британия Украинага АҚШ билан музокаралар бўйича маслаҳат бермоқда

Британия Саудия Арабистонида АҚШ билан музокаралар ўтказиш бўйича Украинага маслаҳат бермоқда.

Британиянинг The Times газетасининг таъкидлашича, бу Украина ва Америка томонлари ўртасида янги жанжалга йўл қўймаслик мақсадида амалга оширилмоқда.

Аниқлик киритилишича, Британия бош вазири Кир Стармернинг миллий хавфсизлик масалалари бўйича маслаҳатчиси Жонатан Пауэлл дам олиш кунлари Владимир Зеленскийга тегишли кўрсатмалар бериш учун Украинага йўл олган. Мақолада айтилишича, у Зеленскийга америкаликларга "Америка сўровларига жавоб бераётганини" тушунтиришни тавсия қилган. Пауэллнинг фикрича, бу АҚШ президенти Доналд Трампда "Россия тинчлик йўлидаги асосий тўсиқ" деган таассурот уйғотиши керак.