Украинанинг урушдаги аҳволи оғир

Украина бош қўмондони шарқдаги вазиятни оғир деб атади.

Украина бош генерали Олександр Сирский Россиянинг Украина шарқидаги ҳужуми билан боғлиқ вазият «оғир»лигича қолаётганини айтиб, барча зарур қарорлар қабул қилинаётганини қўшимча қилди.

Сирский ҳужумнинг аниқ жойига аниқлик киритмади, бироқ у аввалроқ Россия кучлари стратегик аҳамиятга эга Покровск шаҳрини нишонга олганини айтган эди.

«Душманнинг асосий ҳужуми йўналишида вазият оғир. Лекин барча даражадаги барча зарур қарорлар кечиктирмасдан қабул қилинмоқда», — деди Сирский Телеграмъда.

Сирскийнинг айтишича, у ўтган ҳафта Покровск яқинидаги шарқий фронтда бир неча кун бўлган ва у ердаги жангларни «ўта оғир» деб таърифлаган.

Россия армияси минтақадаги Украина мудофааси учун муҳим логистика маркази бўлган Покровскга яқинлашмоқда.