Миср ҳукумати нон субсидияларини йўқ қилиш ёки кескин қисқартириш бўйича ўта машҳур бўлмаган ва портловчи чора кўришга мажбур эканлигини эълон қилди. Қарор кучга киргач, Миср ясси нонининг нархи бир фунт ўрнига тўрт фунтни ташкил қилади.
Илгари нон нархининг ошиши дарҳол мамлакатда катта тартибсизликларни келтириб чиқарди. Бугун эса 105 миллион аҳолига эга Мисрни нотинчлик ва исёнлар ларзага солиши мумкин. Аммо расмийлар мамлакат аҳолисининг камида учдан бир қисмини ташкил этувчи камбағаллар учун асосий озиқ-овқат бўлган субсидияланган нон нархини оширишдан бошқа чораси йўқ, деб ҳисоблайди.
Буғдой нархи бутун дунё бўйлаб кескин кўтарилди, бунга қисман Россиядаги ҳосилнинг пастлиги ва Украинадаги уруш сабаб бўлди ва шу сабабли дунёнинг асосий дон импортчиси Миср жиддий муаммоларга дуч келди.
Ҳукумат нон нархи 30 йил давомида ўзгармаганини даъво қилмоқда. Танқидчиларнинг айтишича, нарх ўзгармаган бўлиши мумкин, аммо нон ўзгарган – бундан 30 йил аввал ясси ноннинг оғирлиги 150 грамм бўлса, бугун 90 граммга етди. Шу боис, нон нархининг кескин ошиши мамлакат аҳолиси орасида тушуниш билан кутиб олинмаса керак.
