Президентнинг аграр соҳага оид янги қарорига кўра, Халқаро қишлоқ хўжалиги университети ҳузурида Буюк Британия таълим тизими асосида ихтисослашган Халқаро мактаб ташкил этилади. Мактабга қабул 2023/2024-ўқув йилидан 1-синф ва 5-синф учун бўлади.
Халқаро мактаб юридик шахс мақомига эга бўлган мустақил нодавлат умумтаълим муассасаси ҳисобланади.
Мактаб фаолиятини ташкил этишга кетадиган харажатларга: қурилиш, ўқув анжомлари, лаборотория жиҳозлари ва анжомларга Жаҳон банкининг "Ўзбекистон Республикаси қишлоқ хўжалигини модернизасия қилиш" лойиҳаси доирасидаги маблағлари ажратилади.
