Журналист Николо Скира хабарига кўра, "Ал-Ҳилол" "ПСЖ" ярим ҳимоячиси Марко Верратти билан шартнома имзолаш бўйича музокараларга киришган.
Саудия Арабистони клуби 30 ёшли италиялик футболчига йилига 25 миллион евро маош билан 2026 йилгача шартнома таклиф қилди.
Верратти "ПСЖ"да 2012 йилнинг июлидан бери тўп тепади. 2022/23 йилги мавсумда футболчи парижликлар сафида барча мусобақаларда 38 та ўйинда майдонга тушди.
20 июнь куни француз клуби футболчини камида 80 миллион еврога сотишга тайёрлиги ҳақида хабар берилганди.
