Zoyir Mirzayev bugun nega yana “O’zbekiston GTL” zavodiga bordi?

Kecha G‘uzordagi “O’zbekiston GTL” zavodi qurilishida faoliyat ko‘rsatayotgan rahbarlar va ishchi-xodimlar bilan viloyat hokimi uchrashgani haqida xabar bergan edik. 

Qashqadaryo viloyati hokimligi axborot xizmati xabar berishicha, bugun Bandlik va mehnat munosabatlari vaziri Nozim Xusanov, viloyat hokimi Zoyir Mirzayev va viloyat sektor rahbarlari zavod hududida bo‘lib, har ikki tomonni eshitgan holda bo‘lib o‘tgan voqea tafsilotlari, ishchilarning noroziligiga sabab bo‘lgan yotoq va ovqatlanish joylaridagi sharoitlar hamda oylik maoshi to‘lovlari masalalari o‘rganildi. 

Bugungi o‘rganishlar natijasi bo‘yicha Bandlik va mehnat munosabatlari vazirligining qo‘shimcha axboroti ham e’lon qilinadi.