Zelenskiy: G‘arbning bunga munosabati «nol»

Putin G‘arb, NATO davlatlari va Janubiy Koreyaning munosabatini sinab ko‘rmoqda.

Ukraina prezidenti Vladimir Zelenskiyning aytishicha, Kiyevning G‘arbdagi ittifoqchilari Shimoliy Koreya qo‘shinlarining Rossiyaning Kiyev bilan urushida ishtirok etishiga munosib javob bera olmagan.

Payshanba kuni e’lon qilingan intervyuda Ukraina rahbari Rossiya prezidenti Vladimir Putin «G‘arb, NATO davlatlari va Janubiy Koreyaning munosabatini sinab ko‘rayotganini» aytdi.

«Agar hech narsa bo‘lmasa - va menimcha, bunga munosabat hech narsa emas, u nolga teng bo‘ldi - u holda chegaramizdagi Shimoliy Koreya qo‘shinlari soni ko‘paytiriladi», deya qo‘shimcha qildi u.