Yaqin Sharqdan evakuasiya qilingan o‘zbekistonlikllar soni 17 mingdan oshdi

7 mart soat 07:00 holatiga ko‘ra O‘zbekistonga jami 17 152 nafar fuqaro qaytarildi. Bu haqda Tashqi ishlar vazirligi xabar qildi.

O‘zbekistonliklar quyidagi davlatlardan evakuasiya qilingan:

• Saudiya Arabistonidan — 14 502 nafar;
• Birlashgan Arab Amirliklaridan — 2356 nafar;
• Qatardan — 218 nafar;
• Erondan — 42 nafar;
• Bahrayndan — 27 nafar;
• O‘mondan — 7 nafar.

Vazirlik matbuot xizmati vatandoshlarni O‘zbekistonga qaytarish bo‘yicha chora-tadbirlar tizimli va bosqichma-bosqich asosda amalga oshirilayotganini qayd etgan.

Ayni paytda qaytarish ishlari asosan fuqarolik aviasiyasi uchun havo hududi ochiq bo‘lib turgan mamlakatlar orqali amalga oshirilmoqda.