Яқин Шарқдан эвакуация қилинган ўзбекистонликллар сони 17 мингдан ошди

7 март соат 07:00 ҳолатига кўра Ўзбекистонга жами 17 152 нафар фуқаро қайтарилди. Бу ҳақда Ташқи ишлар вазирлиги хабар қилди.

Ўзбекистонликлар қуйидаги давлатлардан эвакуация қилинган:

• Саудия Арабистонидан — 14 502 нафар;
• Бирлашган Араб Амирликларидан — 2356 нафар;
• Қатардан — 218 нафар;
• Эрондан — 42 нафар;
• Баҳрайндан — 27 нафар;
• Ўмондан — 7 нафар.

Вазирлик матбуот хизмати ватандошларни Ўзбекистонга қайтариш бўйича чора-тадбирлар тизимли ва босқичма-босқич асосда амалга оширилаётганини қайд этган.

Айни пайтда қайтариш ишлари асосан фуқаролик авиацияси учун ҳаво ҳудуди очиқ бўлиб турган мамлакатлар орқали амалга оширилмоқда.