Yaponiyada ikki shaxsga nisbatan o‘lim jazosi ijro etildi, deyiladi Kiodo agentligi xabarida.
O‘zA da qayd etilishicha, qatl etilganlar nomi e’lon qilinmagan. Yaponiya adliya vaziri Takasi Yamasiti buyrug‘i asosida payshanba tongida o‘lim jazosi ijro etilgan.
Ria novostining aniqlik kiritishicha, Kunchiqar mamlakatda oliy jazo so‘nggi bor shu yilning iyul oyida Aum Sinrikyo sektasining sobiq olti yetakchisiga nisbatan qo‘llanilgan bo‘lgan. Hozirda esa Yaponiyada o‘lim jazosiga hukm qilingan yuzdan ziyod mahbus bor. Ular hukm ijrosini yillab kutishlari mumkin. Chunki, qatl haqida oldindan xabar berilmaydi.
Inson huquqlarini himoya qiluvchi xalqaro tashkilotlar Yaponiyani o‘lim jazosini bekor qilishga chaqirib keladi.
O‘g‘ri bojxonachilar 26 tonna oltin bilan qo‘lga tushdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
Armaniston shu yilning o‘zidayoq Yevropa Ittifoqiga kirishga tayyor
