Yaponiya Tashqi ishlar vazirligi G‘azo sektoridagi Al-Shifa kasalxonasi majmuasining Isroil armiyasi tomonidan vayron qilingani munosabati bilan xalqaro gumanitar huquqni hurmat qilishga chaqirdi.
«Begunoh fuqarolar ishtirokidagi hujumlar xalqaro gumanitar huquqning asosiy tamoyillarini buzadi», dedi Yaponiya Tashqi ishlar vazirligi Anadolu agentligining Al-Shifa kasalxonasidagi vayronagarchiliklar haqidagi savoliga yozma javobida.
Shu bilan birga, departament «Yaponiya uchun Isroil armiyasining aniq harakatlari bo‘yicha biron bir qarorga kelish qiyin», deb ta’kidladi.
Yaponiya barcha tomonlardan, shu jumladan Isroildan xalqaro qonunlarga rioya qilishni talab qilishda davom etadi, deya ta’kidladi Tashqi ishlar vazirligi.