Parlament qarori bilan Yangi Zelandiyada iqlim o‘zgarishi bo‘yicha favqulodda holat e’lon qilindi.
Bu haqda “Guardian” nashri xabar berdi.
Ta’kidlanishicha, parlament tomonidan qo‘llab-quvvatlangan tegishli tashabbusda o‘zgaruvchan va ekstremal ob-havo sharoiti - toshqinlar, dengiz sathining ko‘tarilishi hamda o‘rmon yong‘inlarining Yangi Zelandiya va uning fuqarolari farovonligi, sanoatning asosiy tarmoqlari, suv resurslaridan foydalanish, shuningdek, aholi salomatligiga halokatli ta’siri haqida so‘z boradi.
Ma’lum qilinishicha, ushbu qaror bilan Yangi Zelandiya iqlim inqirozi mavjudligini rasman tan olgan va o‘z hududida favqulodda holat e’lon qilgan 32 davlat orasiga qo‘shilgan.