«Atletiko» bosh murabbiyi Diyego Simeone koronavirusga chalindi.
Klub matbuot xizmatining ma’lum qilishicha, 11 sentyabr kuni o‘yinchi, murabbiy va xodimlar COVID-19 uchun test topshirishgan. Simeoneda ijobiy natija chiqqan. Ammo argentinalik murabbiyda virusning hech qanday alomatlari yo‘q, u uyida izolyasiyada bo‘lib turibdi.
Avvalroq jamoa hujumchisi Diyego Kosta va himoyachi Santyago Arias ham koronavirus yuqtirib olgani xabar qilingandi.
Ma’lumot uchun, «Atletiko» o‘tgan mavsumda La Ligada 70 ochko to‘plab, 3-o‘rinni egallagan.
