Isroil sud-tibbiy ekspertizasi xulosasiga ko‘ra, Falastinning HAMAS yetakchisi Yahyo Sinvar Isroil kuchlari bilan to‘qnashuvda halok bo‘lishidan oldin 72 soat davomida ovqat emagan.
Isroil Milliy sud ekspertizasi instituti direktori Xen Kugelning aytishicha, Sinvarning shaxsini tasdiqlash uchun barmog‘i kesilgan holda DNK namunasi olingan.
Namunalar Sinvarning Isroil qamoqxonasida 22 yillik qamoqda o‘tirgani, 2011 yilda mahbuslar almashinuvi doirasida ozod qilingani haqidagi tibbiy ma’lumotlar mavjudligi tufayli unga tegishli ekani tasdiqlangan.
"Miyaning jiddiy shikastlanishiga olib kelgan o‘q jarohatidan keyin ham Sinvar yana bir necha soat yashagan", - dedi Kugel.
Turli isroillik jurnalistlar va nashrlar HAMAS harakati yetakchisining o‘limini tasvirlar ekan, Falastin rahbari oxirigacha kurashganini tan olishdi.
Eslatib o‘tamiz, 61 yoshli Yahyo Sinvar oktyabr oyida Isroil harbiylari bilan yuzma-yuz jangda qahramonlarcha halok bo‘ldi. U tank snaryadi va raketa parchalaridan jarohat olganiga qaramasdan, so‘nggi nafasigacha jang qildi, hatto og‘ir ahvolda bo‘lishiga qaramasdan, Isroil droniga qo‘lidagi tayoqni uloqtirishi butun dunyoga doston bo‘ldi.
Krishtianu Ronaldu 1000 ta golning yaqinaga ham bora olmaydi
«Buni hech qachon ko‘rmagansiz» - Shimoliy Koreya askarlari Ukraina urushida FPV kamikadze dronlarining g‘azabiga duch keladi
Saudiya tarixidagi eng katta xellouin nishonlanishi nimadan darak?
