Xorijlik fuqarolar O‘zbekistonda qurol ishlatdimi?

Qurol bilan bog‘liq video yuzasidan rasmiy izoh berildi.

Ijtimoiy tarmoqlarda “xorijlik fuqarolar O‘zbekistonda qurol ishlatgani” aks etgan video tarqaldi. Toshkent viloyati IIBB holatni tezkor o‘rganib, videodagi shaxslarga aniqlik kiritdi.

Ma’lum bo‘lishicha, 20 yanvar kuni fuqaro YA.YU. o‘ziga tegishli, ruxsatnomasi mavjud ov qurolini tanishi Q.X.ga qonunga xilof ravishda foydalanish uchun bergan. Qurol qo‘llanilgan, biroq insonlar yoki hayvonlarga zarar yetmagan.

Holat yuzasidan MJtKning 220-moddasi asosida hujjatlar rasmiylashtirilib, qurol va o‘q-dorilar vaqtincha olib qo‘yildi. Tekshiruv yakunlari bo‘yicha qo‘shimcha ma’lumot beriladi.