Xorijdan nasldor qoramollarni olib kirish QQSdan ozod etiladi

"Chorvachilik tarmog‘i va yaylov xo‘jaligini zamonaviy boshqaruv tizimi va yangicha yondashuvlar asosida rivojlantirish chora tadbirlari to‘g‘risida"gi Prezident qarori (PQ–179-son, 12.05.2026 y.) qabul qilindi.

🔰 Qarorga ko‘ra, quyidagilar chorvachilik tarmog‘ini 2026–2028 yillarda rivojlantirishning maqsadli ko‘rsatkichlari etib belgilandi:

▫️chorvachilik (go‘sht va sut) mahsulotlarini sanoat usulida qayta ishlash darajasini 50 foizga olib chiqish;

▫️nasldor qoramollar ulushini 90 foizga yetkazish orqali chorva mollari mahsuldorligini oshirish va boshqalar.

🌱 2027 yil hosilidan boshlab paxta va boshoqli don joylashtirilishi nazarda tutilgan yer maydonlarining 50 foiziga ozuqabop ekinlarni joylashtirishga ruxsat etiladi.

💸 2026 yil 1 iyuldan 2030 yil 1 yanvarga qadar aholi xonadonlarida identifikasiya qilingan sigirlardan quyidagilar orqali olingan har bir bosh nasldor buzoq (identifikasiya qilingan) uchun subsidiya ajratish yo‘lga qo‘yiladi:

🔹sun’iy urug‘lantirish orqali olinganda – 500 ming so‘mdan;

🔹embrionlarni ko‘chirib o‘tkazish (transplantasiya) orqali olinganda – 700 ming so‘mdan.

💰 2026 yil 1 iyundan boshlab 2029 yil 1 yanvarga qadar xorijdan nasldor qoramol, qo‘y va echkilarni O‘zbekiston hududiga olib kirish qo‘shilgan qiymat solig‘idan ozod etiladi.