Xorazm viloyatining Xazorasp tumanida joylashgan umumiy ovqatlanish shoxobchalarining birida yong‘in sodir bo‘ldi. Bu haqda viloyat Favqulodda vaziyatlar boshqarmasi xabar berdi.
Ma’lum qilinishicha, 20 iyun kuni Xazorasp tumani «Kamolot» MFYda joylashgan «Aka Sharif» MCHJga qarashli umumiy ovqatlanish shoxobchasining 3-qavati, ya’ni mansarda qismida yong‘in chiqqan. Oqibatida kafening 160 kvadrat metr maydondagi tom bostirmasi va oshxona jihozlari yongan.
FVB yong‘in-qutqaruv bo‘linmasi voqea joyiga 17:36 da yetib borib, yong‘inni soat 18:23 da to‘liq bartaraf etgan. Yong‘indan kafening 1—2-qavatlari, taxminan 200 kvadrat metr maydon saqlab qolingan.
Ta’kidlanishicha, hozirda yong‘inning sababi va zarari aniqlanmoqda.
O‘zbekiston tibbiyoti og‘ir judolikka uchradi
Energiya tarmoqlariga o‘zboshimchalik bilan ularnish o‘g‘rilik hisoblanadi
Sirdaryoda ayol va uning farzandlarini o‘ldirib, uyni yoqib yuborishdi
