Xitoy aholisi 2024 yilda 1,39 million kishiga qisqardi

Xitoy aholisining qisqarishi davom etdi va 2024 yilda 1,39 millionga kamayib, 1,40828 milliard fuqaroga etdi.

Bu haqda Xitoy Milliy statistika boshqarmasi xabar bermoqda.

Hisobotga ko‘ra, mamlakatda 12 oy davomida 9,54 million kishi tug‘ilgan, 10,93 million fuqaro vafot etgan. Tug‘ilish va o‘lim darajasi mos ravishda 6,77 va 7,76 promilleni tashkil etdi.

Rasmiy hisob-kitoblarga ko‘ra, Xitoyda erkak aholi soni 719,09 million kishini (0,1 foizga kamaygan), ayollar soni esa 689,19 million kishini (deyarli o‘zgarmagan) tashkil etadi. 16 yoshdan 59 yoshgacha bo‘lganlar 60,9 foizni (857,98 million kishi) tashkil etadi, bu 2023 yilga nisbatan 0,4 foiz punktga kam. 65 yoshdan oshgan fuqarolar soni 220,23 million kishiga yetdi (o‘sish 1,6 foiz).

E’lon qilingan statistik ma’lumotlardan ko‘rinib turibdiki, 2024 yilda Xitoyning shahar aholisi 1,1 foizga (943,5 million kishigacha) o‘sgan. Qishloq joylarda 464,78 million kishini tashkil etib, 2,5 foizga kamaydi.

2022 yilda Xitoy aholisi 60 yil ichida birinchi marta 850 000 kishiga qisqara boshladi. 2023 yilda bu ko‘rsatkich yana 2,08 million kishiga kamaydi.