Bu haqda O‘zbekiston Bosh konsulxonasi va Xanti-Mansiysk avtonom okrugi Mehnat va bandlik departamenti direktori o‘rinbosari Aleksey Mokrinskiyning onlayn muloqotida ma’lum bo‘ldi.
Mokrinskiy aytishiga ko‘ra, Xanti-Mansiyskning yirik neft va gaz korxonalari va boshqa sohalarida jami 20 mingdan ziyod bo‘sh ish o‘rinlari mavjud.
Bugungi kunda ushbu hududda O‘zbekiston fuqarolari patent rasmiylashtirgan holda ishlamoqda. E’tiborlisi, ish beruvchilar orasida o‘zbekistonliklarni ishga jalb qilish bo‘yicha talab tobora ortib bormoqda, deyiladi “Dunyo” AA xabarida.
