Xalqaro Olimpiya qo‘mitasi ukrainalik sportchilarning Olimpiadada siyosiy aksiya o‘tkazish urinishini taqiqladi

Fristaylchi Yekaterina Kotsarning “Ukrainaliklar kabi jasur bo‘ling” degan yozuv tushirilgan shlemda chiqish istagiga XOQ tomonidan ruxsat berilmadi.

Sportchi bu orqali urush qurbonlari tasviri bilan chiqqan jamoadoshi Vladislav Geraskevichni qo‘llab-quvvatlamoqchi bo‘lgan.

Avvalroq Geraskevich qo‘mitaning rasmiy taqiqiga qaramay, siyosiy mazmundagi shlemda mashg‘ulot o‘tkazgan edi.

XOQ Olimpiya o‘yinlari xartiyasiga ko‘ra musobaqa maydonlarida har qanday ko‘rinishdagi siyosiy, diniy yoki irqiy targ‘ibotlarni qat’iyan man etadi.