Video: ichida yo‘lovchilari bo‘lgan samolyot yonmoqda

Ijtimoiy tarmoqlarda Iran Air yo‘lovchi samolyotining qo‘nish vaqtida yonib ketish holati videoyozuvi paydo bo‘ldi.

Hodisa Eron poytaxti Tehron shahridagi Mehrobod xalqaro aeroportida sodir bo‘ldi. Kadrlarda qo‘nayotgan samolyotning turli qismlari alanga olayotganini ko‘rish mumkin.

Dastlabki xabarlarga ko‘ra, yong‘inga samolyot shassisining nosozligi sabab bo‘lgan.

Yong‘inni tezda o‘chirishga muvaffaq bo‘lishgan. Yo‘lovchilardan hech kim jabrlanmagani aytilmoqda.