Vera Brejnevaning Qirg‘izistondagi konserti bekor qilindi

Bishkekda asli ukrainalik qo‘shiqchi Vera Brejnevaning konserti “texnik sabablar” tufayli bekor qilindi. Bu haqda “Kassir.kg” xabar berdi.

“Brejnevaning konserti texnik sabablarga ko‘ra bekor qilindi. Pulni qaytarishni istaganlar ariza yozishlari yoki Brejnevaning chiptalarini 2 mart kuni bo‘lib o‘tishi rejalashtirilgan “Refleks” guruhi uchun chiptalarga almashtirishlari mumkin”, — deydi tashkilotchilar.

Brejneva o‘zining Instagram akkauntida konsert bekor qilinganini tasdiqladi.

“Menga bog‘liq bo‘lmagan sabablarga ko‘ra konsert bekor qilindi”, — deb yozdi u.

Brejnevaning konserti 18 fevral kuni Bishkekdagi Sport saroyida bo‘lib o‘tishi kerak edi. Vera Brejneva Rossiya bosqiniga qarshilik chiqqan va mamlakatdan chiqib ketgan.