Ukraina tashqi ishlar vaziri Andrey Sibiga Bryusseldagi uchrashuv chog‘ida Kiyev Vladimir Zelenskiy va Vladimir Putin o‘rtasida to‘g‘ridan-to‘g‘ri aloqa o‘rnatishdan manfaatdor ekanligini tasdiqladi, deb yozadi Euronews.
— Men Vatikan tomonidan davlat rahbarlari darajasida mumkin bo‘lgan aloqalarni tashkil etish bo‘yicha takliflar kiritilganini tasdiqlashim mumkin, — dedi Sibiga Euronewsga bergan intervyusida.
Uning so‘zlariga ko‘ra, Ukraina bunday uchrashuvni o‘tkazish mumkin bo‘lgan joylarni ko‘rib chiqishga tayyor.
Ukraina diplomatiyasi rahbarining so‘zlariga ko‘ra, prezident Zelenskiy ham Donald Tramp bilan uchrashishni ko‘rib chiqmoqda. Avvalroq AQSh prezidenti shu kuni Zelenskiy va Putin bilan telefon orqali gaplashgan edi. Rossiya yetakchisi bilan ikki soatlik suhbatdan so‘ng Tramp ijtimoiy tarmoqdagi sahifasida Moskva va Kiyev zudlik bilan muzokaralarni boshlashini ma’lum qildi va uchrashuvni tashkil etishdan Vatikan va Rim Papasi manfaatdor ekanini yozdi.
U: "Jarayon boshlansin!" — deb xulosa qildi.
O‘tgan dam olish kunlari Vatikanda yangi pontifikning taxtga o‘tirish marosimi bo‘lib o‘tdi. Messada yangi Rim Papasi Ukraina va Rossiya o‘rtasidagi mojarodan xavotir bildirdi.
