O‘zbekistonda yanvar oyining 10 kunida 107 ta YTH yuz berdi, 35 nafar inson halok bo‘ldi

IIV YHXB axborot xizmati O‘zbekiston Respublikasi hududida 2020 yilning 1-10 yanvar kunlari sodir bo‘lgan yo‘l-transport hodisalari haqida ma’lumot berdi.

Qayd etilishicha, joriy yilning 1-10 yanvar kunlari O‘zbekiston hududida jami 107 ta yo‘l-transport hodisasi qayd etilib, ular oqibatida 100 nafar fuqaro turli darajadagi tan jarohatlari olgan va 35 nafar inson yo‘llarda halok bo‘lgan.

YTHlar hududlar bo‘yicha:

Toshkent shahrida - 10 ta

Toshkent viloyatida - 20 ta

Sirdaryo viloyatida - 2 ta

Jizzax viloyatida - 11

Samarqand viloyatida - 3

Navoiy viloyatida - 3 ta

Buxoro viloyatida - 6 ta

Farg‘ona viloyatida - 11 ta

Andijon viloyatida - 7 ta

Namangan viloyatida - 11 ta

Qashqadaryo viloyatida - 6 ta

Surxondaryo viloyatida - 9 ta

Xorazm viloyatida - 2 ta

Qoraqalpog‘iston Respublikasida - 6 ta.

Yo‘l-transport hodisalaridan 35 tasida harakat ishtirokchilari yo‘lning qatnov qismini belgilanmagan joyidan kesib o‘tishi, 18 tasida tezlikni belgilangan me’yoridan oshirib yuborishi, 14 tasida yo‘lning qarama-qarshi yo‘nalishiga chiqib ketishi, quvib o‘tish qoidasini buzishi, 7 ta holatda esa yo‘nalishni o‘zgartirishi, 6 ta holatda chorrahadan o‘tish qoidalarini buzishi, 4 ta holatda haydovchilar tomonidan piyodalar o‘tish joyini mensimasligi, 1 ta holatda oraliq masofasini saqlamaslik va 22 ta holat boshqa qoidabuzarliklar natijasida sodir bo‘lgan.

Umumiy 107 ta YTHdan 103 tasi haydovchilar aybi bilan, 4 tasi piyodalar aybi bilan sodir bo‘lganligi aniqlangan.