Ўзбекистонда илк пулли автомобиль йўли Урганч–Хива йўналишида қурилмоқда

Ўзбекистондаги илк пулли автомобиль йўли Урганч–Хива йўналишида барпо этилмоқда.

Мазкур лойиҳанинг қиймати 120 миллион долларни ташкил этади. Янги автомобиль йўлининг узунлиги 35 километр бўлиб, у тўрт полосали асфальт-бетон қопламасида қурилади. Суткалик ўтказувчанлик қуввати 20 мингдан ортиқ транспорт воситасига мўлжалланган.

Лойиҳа доирасида 17 та кўприк, 8 та йўл ўтказгич, 1 та туннель ва 5 та махсус ўтиш жойи қурилиши режалаштирилган.

Ҳозирда Урганч ва Хива ўртасидаги қатнов вақти 45–50 дақиқани ташкил этади. Янги пулли йўл ишга тушгач, бу вақт 15–20 дақиқагача қисқаради.