O‘zbekiston elchisi Amirsaid Agzamxodjayev Polshaning "Łuków" go‘sht kombinati rahbari Artur Osiak bilan uchrashuv o‘tkazdi, deb xabar qilmoqda "Dunyo" AA muxbiri.
Tadbirda o‘zbekistonlik tadbirkor "Al-Af" MCHJ rahbari Voxid Ermatov ham ishtirok etdi.
Muloqot chog‘ida O‘zbekistonda oziq-ovqat sohasida investisiyaviy loyihalarini amalga oshirish imkoniyati muhokama qilindi.
Muzokaralar yakunida "Łuków" zamonaviy texnologiyalari asosida "Al-Af" MCHJda "Halol" ega sertifikatiga kolbasa va konserva mahsulotlarini ishlab chiqarish, O‘zbekistondan shisha idishlarni eksport qilish hamda kombinatga mamlakatimiz fuqarolarini ishga jalb qilish to‘g‘risida kelishuvlarga erishildi.
O‘zbekiston diplomatik missiyasi xodimlari, shuningdek, ushbu kompaniyada mehnat qilayotgan O‘zbekiston fuqarolarining ish va yashash sharoitlarini ko‘zdan kechirishdi.
"Łuków" kompaniyasi 1973 yilda tashkil etilgan. Korxona Polshadagi eng yirik kolbasa va konserva mahsulotlari ishlab chiqaruvchilardan biri hisoblanadi.