O‘zbekistonda 5 ta hududlararo sud tashkil etiladi

Shavkat Mirziyoyev sud-huquq tizimiga oid taqdimot bilan tanishdi.

Unga ko‘ra, 2027 yil 1 iyuldan 5 ta hududlararo sudlar tashkil etiladi va taftish instansiyasining vakolatlari ushbu sudlarga beriladi.

Bu bir sudning o‘z qarorini o‘zi qayta ko‘rib chiqishi amaliyotiga chek qo‘yadi va fuqarolarning adolat izlab poytaxtga borish zaruratini kamaytiradi. Shuningdek:

🔸Oliy sud Rayosati qarorlarini qamrab oladigan ochiq "Presedentlar reestri"ni joriy qilish;
🔸2028 yildan "sud ma’murchiligi" institutini yo‘lga qo‘yish;
🔸barcha sudlarda "Raqamli sud" tizimini to‘liq ishga tushirish;
🔸sudlarga murojaatlarning kamida 50 %ni elektron shaklga o‘tkazish rejalashtirilgan.

Strategiya doirasida 2030 yilga qadar 33 ta maqsadga erishish belgilangan.