Ўзбекистонда 5 та ҳудудлараро суд ташкил этилади

Шавкат Мирзиёев суд-ҳуқуқ тизимига оид тақдимот билан танишди.

Унга кўра, 2027 йил 1 июлдан 5 та ҳудудлараро судлар ташкил этилади ва тафтиш инстанциясининг ваколатлари ушбу судларга берилади.

Бу бир суднинг ўз қарорини ўзи қайта кўриб чиқиши амалиётига чек қўяди ва фуқароларнинг адолат излаб пойтахтга бориш заруратини камайтиради. Шунингдек:

🔸Олий суд Раёсати қарорларини қамраб оладиган очиқ "Прецедентлар реестри"ни жорий қилиш;
🔸2028 йилдан "суд маъмурчилиги" институтини йўлга қўйиш;
🔸барча судларда "Рақамли суд" тизимини тўлиқ ишга тушириш;
🔸судларга мурожаатларнинг камида 50 %ни электрон шаклга ўтказиш режалаштирилган.

Стратегия доирасида 2030 йилга қадар 33 та мақсадга эришиш белгиланган.