O‘zbekiston prezidenti Serbiyaga jo‘nab ketdi

Shavkat Mirziyoyev Serbiya prezidenti Aleksandr Vuchichning taklifiga binoan 7 sentyabr kuni rasmiy tashrif bilan ushbu mamlakatga jo‘nab ketdi. Prezident matbuot xizmatining xabar qilishicha, Belgrad shahriga tashrif doirasida oliy darajadagi muzokaralar hamda ikki mamlakat rasmiylari va ishbilarmon doiralari vakillari ishtirokida biznes forumi o‘tkazilishi rejalashtirilgan. O‘zbekiston–Serbiya ko‘p qirrali hamkorligini yanada mustahkamlashning dolzarb masalalari ko‘rib chiqiladi. Sammit yakunlari bo‘yicha salmoqli hujjatlar to‘plamini qabul qilish rejalashtirilgan.