2021 yil 25 mart kuni Rossiya davlatida o‘tkazilgan «DETALKA-2020» raqamli texnologiyalar, ta’lim robotlari va nerotexnologiyalar oltinchi xalqaro tanlovida 10 nafar o‘zbekistonlik o‘quvchi g‘olib bo‘ldi.
Ma’lum qilinishicha, onlayn tarzda o‘tkazilgan xalqaro tanlovda 25 ta davlatdan jami 437 nafar o‘quvchi-yoshlar ishtirok etgan bo‘lib, xalqaro tanlov 3 ta yosh toifasida va «Eng yaxshi muhandislik yechimi», «Eng yaxshi texnologik loyiha» yo‘nalishlarida o‘tkazilgan.
Xalqaro tanlovda O‘zbekiston sharafini 10 nafar «Barkamol avlod» bolalar maktabi to‘garak a’zolaridan iborat jamoasi ishtirok etdi.