Ukrainaning Rossiyaga yurishi Putinning inqirozni boshqarishdagi muammosini ochib berdi

Rossiya prezidenti Vladimir Putin o‘zini kuchli odam sifatida ko‘rsatishni yaxshi ko‘radi. Ammo uning Rossiyadagi so‘nggi inqirozlarni hal qilish tajribasi uning prezidentlik shaxsiyatining boshqa tomonini ochib beradi: falajlik va qat’iyatsizlik.

Ukraina qo‘shinlari Rossiya chegara punktiga bostirib kirib, janubiy Kursk viloyatining keng yashil maydonlari bo‘ylab deyarli hech qanday to‘siqsiz o‘tishni davom ettirganidan bir yarim kun o‘tgach , Putin nihoyat bu boradagi birinchi ommaviy so‘zlarini aytdi. U bosqinni «katta provokasiya» deb atadi, Ukrainani tinch aholiga qarata o‘q uzishda aybladi va keyin tezda boshqa hukumat ishlariga, jumladan, Rossiyada «Qurilish ishchilari kuni»ni qanday nishonlashga o‘tdi.

U harbiy jihatdan javob berishni va’da qilgunga qadar yana besh kun va 30 ga yaqin aholi punktlarining boy berilishi kerak bo‘ldi. O‘n minglab evakuasiya qilinganlarni kutib olish uchun mintaqaga tashrif buyurilmadi, harbiy holat e’lon qilinmadi.

Rossiyaning bosqinga byurokratik munosabati ham bir xil darajada noqulay bo‘ldi. Mudofaa vaziri Andrey Belousov chegara hududlarida xavfsizlikni ta’minlash bo‘yicha muvofiqlashtiruvchi kengash tuzdi va shu haftada u kamida besh xil amaldor o‘rtasida mas’uliyatni taqsimlashini e’lon qildi.

Urushni o‘rganish instituti ma’lumotlariga ko‘ra, bu «Rossiya MVda qo‘shimcha tartibsizliklarni keltirib chiqarishi mumkin va Kursk viloyatida harakat qilishga urinayotgan Rossiya MV, FXX va Rosgvardiya [Rossiya milliy gvardiyasi] o‘rtasida kelishmovchilik tug‘dirishi mumkin” va Rossiyaning samarali qarshi hujumga o‘tish qobiliyatini xavf ostiga qo‘yishi mumkin.

Mutaxassislarning fikriga ko‘ra, Kurskga bostirib kirish Putinning strategiyasini tubdan o‘zgartirmagan - Ukrainani charchatib qo‘yish va uning ittifoqchilaridan uzoqda qolishga harakat qilish.

Sobiq rossiyalik diplomat Bondarevning fikricha, Putinning reaksiyasi G‘arb Putinning tajovuzkorligiga yanada qat’iyroq javob ishlab chiqishi kerakligiga yana bir dalil bo‘ladi.

"Ba’zi g‘arbliklar Putinni burchakka siqmasligimiz kerak, chunki u burchak kalamushiga aylanadi va bor kuchi bilan javob qaytaradi, deyishadi", dedi u CNN'ga. “Endi biz haqiqatan ham inqirozga duch kelganida, u burchakka o‘ralgan kalamushga aylanmasligini, balki u firibgarga o‘xshashini ko‘ryapmiz.

Va shuning uchun undan unchalik qo‘rqmaslik kerak".