Zelenskiy Rossiyaning Ukrainadagi energetika ob’ektlariga bergan zarbasidan so‘ng ukrainalik muzokarachilarning faoliyati “mos ravishda qayta ko‘rib chiqilishini” ma’lum qildi.
Volodimir Zelenskiyning so‘zlariga ko‘ra, Rossiya raketa va dronlar yordamida amalga oshirgan hujum natijasida Ukrainaning bir necha viloyatlarda energetika ob’ektlari jiddiy zarar ko‘rgan.
"Bu energetikaga qarshi yo‘naltirilgan hujum bo‘ldi va ballistik raketalar soni rekord darajada edi. Aslida, Rossiya armiyasi AQShning zarbalarni qisqa muddatga to‘xtatish haqidagi taklifidan diplomatiyani qo‘llab-quvvatlash uchun emas, shunchaki raketalarni to‘plab, eng sovuq kunlarni kutish uchun foydalandi", — deya fikr bildirdi Ukraina prezidenti.
"Har bir shunday zarba Moskvadagi munosabat o‘zgarmaganini tasdiqlaydi, ular hanuz urushga va Ukrainani yo‘q qilishga intilmoqda hamda diplomatiyani jiddiy qabul qilmayapti. Muzokara jamoamizning ishi shunga mos ravishda qayta ko‘rib chiqiladi", — deya qo‘shimcha qildi u.
Evropa Ukrainadan voz kechib, Rossiya bilan hamkorlik qilishga harakat qilmoqda
Hormuz bo‘g‘ozida Amerika qiruvchi samolyoti urib tushirildi
Trampning bosimi ostida qolgan Saudiya Arabistoni shahzodasi Putin bilan suhbatlashdi
