Bunday qaror Ukraina Milliy xavfsizlik va mudofaa kengashi tomonidan qabul qilindi. Shuningdek, xavfsizlik va mudofaa sektori hamda muhim infratuzilma korxonalari xodimlariga ham messenjerdan foydalanish taqiqlandi. Istisnolar xizmat vazifalarida messenjerdan foydalanish kerakligi ko‘rsatilgan shaxslar uchun qo‘llaniladi.
"Men har doim so‘z erkinligi tarafdori bo‘lganman va buni himoya qilganman, lekin Telegram — so‘z erkinligi masalasi emas, bu milliy xavfsizlik masalasi", dedi Ukraina harbiy razvedkasi rahbari Kirill Budanov Milliy xavfsizlik va mudofaa kengashi yig‘ilishida.
Ukraina razvedka xizmatlari ma’lumotlariga ko‘ra, Rossiya tomoni messenjerdan kiberhujumlar va fishing, foydalanuvchilarning geolokasiyasini olish va aniq hujumlar uchun foydalanmoqda.