Xalqaro harbiy kompaniyalar Ukrainada o‘z qurollarni sinovdan o‘tkazishni istaydi, deb xabar bermoqda Reuters, Ukraina raqamli transformasiya vaziri Mixail Fedorovga tayanib.
“Fedorovning aytishicha, ayni damda mudofaa kompaniyalaridan mingga yaqin ariza kelib tushgan, “Ukrainaga 50 xil texnologiya yuborilmoqda”, — deyiladi xabarda.
Ukraina hukumati yordamida Brave1 mudofaa kompaniyasi "Ukrainada sinov" dasturida ishtirok etish uchun 45 ta xalqaro kompaniyadan ariza qabul qildi.
2023 yilda tashkil etilgan Brave1 jangga tayyor yechimlarni ishlab chiqish va joriy etishni tezlashtirish maqsadida harbiy bo‘linmalar, startaplar, investorlar va nazorat organlarini birlashtiradi.
Tashabbus chet el kompaniyalariga o‘z mahsulotlarini Ukrainaning oldingi chizig‘ida sinab ko‘rish yoki Brave1 dan baholashni so‘rash imkonini beradi, bunda harbiylar sinovlarni o‘tkazib, fikr-mulohaza bildiradi.
Brave1 vakili DSEI Gateway portaliga arizachilar orasida Avstraliya, Shimoliy Amerika, Tayvan va Buyuk Britaniya kompaniyalari borligini ma’lum qildi.
Iyul oyi oxirida Ukraina Bosh vaziri o‘rinbosari, raqamli transformasiya vaziri Mixail Fedorov dastur haqida e’lon qilganidan so‘ng qiziqish keskin oshdi.
Jahongir Poziljanov, Ozodbek Nazarbekov, Dilshod Musabekovlar unvon va ordenlar bilan taqdirlandi
Keyingi 5 yil ichida boshlanishi mumkin bo‘lgan 5 ta urush
Hindiston tashqi ishlar vaziri G‘arbni "agar yoqmasa" neftni sotib olmaslikka chaqirdi
