Ukraina Suriya bilan diplomatik aloqalarni tiklamoqchi - Zelenskiy

Ukraina prezidenti Vladimir Zelenskiy Kiyev Suriyadagi yangi hukumat bilan aloqalar o‘rnatish ustida ishlayotganini aytdi.

“Biz Suriya bilan diplomatik munosabatlarni va xalqaro tashkilotlardagi hamkorlikni tiklashga tayyorlanyapmiz”, — dedi Zelenskiy.

2022-yil iyun oyida Bashar Asad rejimi Ukrainaning sharqiy Donetsk va Lugansk viloyatlarida o‘zini bo‘lginchi deb e’lon qilgan ikki respublika mustaqilligini tan olganidan so‘ng Ukraina Damashq bilan aloqalarini uzgan edi.

8 dekabr kuni Asad rejimi ag‘darildi, shundan so‘ng Suriyaning sobiq rahbari ittifoqchi Rossiyaga qochib ketdi.

Ayni paytda Ukraina qishloq xo‘jaligi vaziri Vitaliy Koval Ukraina sharqiy O‘rtayer dengizidagi mamlakatga allaqachon oziq-ovqat yordami jo‘natganini aytdi va Kiyev “uzoq muddatli” yordam ko‘rsatishiga va’da berdi.

Kovalning so‘zlariga ko‘ra, bug‘doy yetkazib berish bir oy davomida 167 mingga yaqin odamni oziqlantiradi.

"Bugun hukumat muloqoti darajasida biz qo‘llab-quvvatlash barqaror va bir martalik emas, balki uzoq muddatli va bashorat qilinadigan bo‘lishi kerakligini aniq tushunamiz", dedi Koval televideniyega bergan intervyusida.