"Ukrainaga harbiy yordam ko‘rsatish bo‘yicha g‘arb davlatlari koalisiyasining navbatdagi uchrashuvi AQSh Harbiy-havo kuchlarining Germaniyadagi Ramshteyn aviabazasida bo‘lib o‘tadi", — deb xabar berdi AQSh Mudofaa vazirligining matbuot kotibi o‘rinbosari Sabrina Singx.
Uning so‘zlariga ko‘ra, AQSh Mudofaa vaziri Lloyd Ostin ushbu uchrashuvda ishtirok etishni rejalashtirmoqda.
Oq uyning Milliy xavfsizlik kengashida strategik kommunikasiyalar koordinatori Jon Kirbi esa, AQSh yaqin kunlarda Ukrainaga yangi harbiy yordam paketi ajratishni e’lon qilishi mumkinligini ma’lum qildi.
